تستيقظ باكرا ..
تنهض من فراشها متهالكه
شعاع من ضوء خافت يتسلل فى خجل الى غرفة نومهما
تترك فراشها الدافىء الوثير ..
قدميها الدافئتين تطىء الارض البارده تنكمش اصابعها
تبحث عن خفيها تحت الفراش ترتديهما وتنهض
تسير مترنحه نصف نائمه نصف مستيقظه ...
تشق طريقها عبر الصالة تتعثر فى الدمى الملقاه على الارض ..
تنحنى تلتقط اللعب تنحيهم جانبا
تذهب الى المطبخ تعد له الفطور وتتفنن فى تزينه ،
تصب كوبا من اللبن الساخن اللذيذ تحمل الفطور وتتوجه الى الغرفه
تتجه الى خزانة الملابس تجذب حقيبة السفر
تختار من الخزينه بعض من ملابسه وأغراضه تضعها بعنايه داخل الحقيبه
تفكر مليا علها نسيت شيئا ..تتمم على الحقيبه تغلقها تنحيها جانبا
تسير نحو الفراش تنظر الى الساعه المعلقه على الحائط عقاربها تشير الى السابعه والنصف ..
تدنو منه تمرر يدها عبر خصلات شعره ..
تطبع قبله حانيه على جبينه تحاول أن توقظه برفق .. تبتسم فى وجهه
تقدم له الفطور ..
وتذهب لتجهز له ثيابا يرتديها .. ينهى فطوره يقوم من فراشه يتجهز للمغادره
وهى من خلفه تساعده حتى ينتهى تماما
عند باب الشقه تودعه من جديد ..
يحمل عنها الحقيبه .. يغادر دون مقدمات كعادته ..
ثوانى قليله وقبل ان تهم باغلاق الباب ..
يعود من جديد ينحنى يقبل يديها يدس فى جيب ردائها مظروفا ويمضى مسرعا
تنفرج أساريرها لما فعله شىء لم تعتده منه من قبل ..
تغلق الباب ، تمضى الى مخدعها مبتسمة الفم راضية الفؤاد..
تندس أسفل غطاؤها وفى سعاده تفتح المظروف
تقرأ خطابه القصير فى لهفه
عزيزتى:
لا أعلم من أين أبدأ ..
أشكرك لأنك احتملتينى لسنوات وكنت فى غاية الكرم معى ..
وما أخفيته عنك أننى لم أكن لك على مدار تلك السنوات سوا لئيما وخائنا ............
لا أنتظر منك المغفره .. فقط أرجوكى لا تحزنى ..
فمن هم مثلى لا يستحقون دموعك الطاهره
بقرأتك لهذه السطور سأكون قد خرجت من حياتك للابد
ولا اجد ما أعتذر لك به الا تلك الكلمة
أنت طالق
...
تنهض من فراشها متهالكه
شعاع من ضوء خافت يتسلل فى خجل الى غرفة نومهما
تترك فراشها الدافىء الوثير ..
قدميها الدافئتين تطىء الارض البارده تنكمش اصابعها
تبحث عن خفيها تحت الفراش ترتديهما وتنهض
تسير مترنحه نصف نائمه نصف مستيقظه ...
تشق طريقها عبر الصالة تتعثر فى الدمى الملقاه على الارض ..
تنحنى تلتقط اللعب تنحيهم جانبا
تذهب الى المطبخ تعد له الفطور وتتفنن فى تزينه ،
تصب كوبا من اللبن الساخن اللذيذ تحمل الفطور وتتوجه الى الغرفه
تتجه الى خزانة الملابس تجذب حقيبة السفر
تختار من الخزينه بعض من ملابسه وأغراضه تضعها بعنايه داخل الحقيبه
تفكر مليا علها نسيت شيئا ..تتمم على الحقيبه تغلقها تنحيها جانبا
تسير نحو الفراش تنظر الى الساعه المعلقه على الحائط عقاربها تشير الى السابعه والنصف ..
تدنو منه تمرر يدها عبر خصلات شعره ..
تطبع قبله حانيه على جبينه تحاول أن توقظه برفق .. تبتسم فى وجهه
تقدم له الفطور ..
وتذهب لتجهز له ثيابا يرتديها .. ينهى فطوره يقوم من فراشه يتجهز للمغادره
وهى من خلفه تساعده حتى ينتهى تماما
عند باب الشقه تودعه من جديد ..
يحمل عنها الحقيبه .. يغادر دون مقدمات كعادته ..
ثوانى قليله وقبل ان تهم باغلاق الباب ..
يعود من جديد ينحنى يقبل يديها يدس فى جيب ردائها مظروفا ويمضى مسرعا
تنفرج أساريرها لما فعله شىء لم تعتده منه من قبل ..
تغلق الباب ، تمضى الى مخدعها مبتسمة الفم راضية الفؤاد..
تندس أسفل غطاؤها وفى سعاده تفتح المظروف
تقرأ خطابه القصير فى لهفه
عزيزتى:
لا أعلم من أين أبدأ ..
أشكرك لأنك احتملتينى لسنوات وكنت فى غاية الكرم معى ..
وما أخفيته عنك أننى لم أكن لك على مدار تلك السنوات سوا لئيما وخائنا ............
لا أنتظر منك المغفره .. فقط أرجوكى لا تحزنى ..
فمن هم مثلى لا يستحقون دموعك الطاهره
بقرأتك لهذه السطور سأكون قد خرجت من حياتك للابد
ولا اجد ما أعتذر لك به الا تلك الكلمة
أنت طالق
...
28 comments:
ماذا تفعل الزوجة فى حال خيانة زوجها
وماذا تفعل اذا تزوج عليها
وماذا تفعل اذا رجع اليه سكران ومعه فى يدة زوجة أخرى على ماذا ستحاسبة على السكر أم على الزواج
هناك متناقضات كثيرة لازم نفتح لها القلوب
كنت اود ان اسمع رأيك فى تدوينى صرخات مكتومة
ما قام به ليس إصلاحا للوضع، بل هو خيانة أخرى في حقها وفي حق الإنسانية، فكيف له أن يصدمها تلك الصدمة العنيفة بدعوى أنه بذلك يحاول إصلاح ما فعله، إنها دناءة منه ووضاعة. وبعدين ده لا يستحق كل ذلك الحب الذي منحته هي إياه
عامة اعتقد أن ما كتبتيه يعبر عن واقع يحدث أحيانا، وهو الزوجة التي تضحي من أجل زوجها، فتجده يخونها ويهجرها بعد سنوات من الرباط المقدس
بصراحة انا اتصدمت أول ما قرأت الرسالة , و بقول هو ليه عمل كده.
اللى شايفه أقدر ألخصه فى جملة واحدة,الا و هى إن الشخص ده عمره ما حب زوجته أبدا.
اصلا الزوجة بتبقى عارفة جوزها جدا، و أكيد كانت حاسة بخيانة بس حبها ليه كان جامد أوى، و أنا حاسة انها ساكتة، فمش غريبة بأه انها تكون احدى ضحاياه فيوم من الأيام.....
يالا لعله خير
.............
ربما ينتابنى شعور ان هذه القصة مكررة او انى شاهدتها من قبل فى احد الافلام .. ولكن احساس القصة مختلف تماما هذه المرة..حقيقى
وده لان القصة ورائها لفتة ذكية للغاية..وكمان انتى غلفتى الفكرة باحساس مختلف
اشعر ان صياغة القصة ارهقتك بعض الشىء اى انك توقفت امام اسلوب تناولك لهذه القصة لاكثر من مرة ..وفى النهاية ظهر لنا الاسلوب منمق وذو قالب محدود جدااى انه جاء فقط ليخدم القصة واحداثها ولم يبرز الجانب النفسى الذى اردتيه بالقدر الكافى
.......
القصة وصلتنى تماما .. احييكى بشده
على فكرة حسيت ان اسم (حقيبة السفر)يبقى احسن للقصة دى لانه اختزل المعنى .......
تحياتى والى الامام دائما
اسف جدا اطلت عليكى
يااااااااااه
مدونتك وحشتنى
بقالى فتره مش طويله مش بتابع المدونين الا عن بعد
زمان اللى هو من قريب كنت بحب اقرأ اوى فى مدونت
invisable
بالرغم انها كانت بقالها سنه محدش يعرف عنها حاجه فعلا ولحد دلوقتى انا بستمتع جدا بقرأة ارشيف مدونتها
وبعدها مدونتك كنت باجى عندك باستمرار وافتش فى الارشيف
اسف على التأخير وبالرغم من انقطاعى عن التدوين وكنت كاتب عنك كلمتين فى بوست كده بشكرك فيهم وبالرغم من استمرارى فى عدم التدوين الا انى سعيد بالقراءه عندك مره اخرى
اعتقد ان صديقى انكسارات قال ما كنت سأقوله نوعا ما
لا احب ان اكرر
تحياتى
هو في حد بيفطر في السرير من غير ما يقوم يغسل وشه حتى
يعني يصحى من النوع علي الاكل كدا علي طول
معتقدش ان واحده ممكن تحب واحد زي دا لشخصة ممكن تكون بتعمل كل دا لمجرد انها محتاجة تعمل دا مع حد وتفرغ مشاعرها كا أنثى تجاه
اما لو كانت بتحبة فعلاً يبقي هي ساذجة لدرجة الهبل والعبط
فالشخصية اللي زي دي تخدت الشر وراحت
هدى انتي القصة بتاعت أمام المراه لها علاقة بالقصة ديه لان الانسان بيحس بالشيء قبل حدوثة فربما سيلان دموعها في امام المرأه هي شعورها بهذا الغدر القادم في خطاب ذلك الوغد في نظر الناس الذين لا يرون الامن منظورها فشعورهم بظلمها و ربما يكون هو فعل ذلك حبا لها او خوفا عليها لكي لا تعاني معه و تكمل طريقها او ربما هو يحتضر و فعل هذا لكي لا تتالم لافتقاده و لماذا لا يكون هذا اضطراب نفسي اصابه جراء ازمة ومن يعلم و لكن ارد ان اعبر عن شعوري بالارتباط قصة أمام المراه مع خطاب و هو ارتباط قوي جدا هدى اكملي طريقك معانا في معهد السينما بجد هتنوريه علي الاقل هلاقي حد يونسي في المعهد و اتكلم معاه في الطريق و ياريت يكون رائي نال اعجابك زوري مدونتي الاثنين فانا منزل موضوعين جداد و عايز رائيك علشان كنتي نايمه
من هذا الوغد الحقير من لا يصون من صانه لا يستحق العيش و لكن انظري الي اعماقها المحطمه ما سعادته في تحطيمها الا يشعر بوهن المرءه معلش اصلي متعصب للبنات هما اكمنهم ضعاف يتاكل حقهم و لا ايه
محمد انت بتركز في شيء غير مهم مع احترامي الشديد لرائيك بس هو مسافر فالمفروض هيبقى يوم مختلف عن الايام العاديه يعني حجات لازم تعملها و خصوصا لو كان رائي و مختلف و مؤيد لكم ايضا بس لو اللي كتبوا صح لان الكل تعاطف مع البنت و نسي الناحية بتاعت الراجل ممكن يكون بيعملها كل حاجه عايزها و بتحبها و بيحبها لدرجة انه يبعدها عنه علشان ما يجرحهاش علشان بيحبها و عارف درجة حبها تبقي مش سذاجة و بجد يا هدى محترفه حيث انك بسطي القصه لدرجة انك جعلت لكل شخص يتخيل ما يريد و يبني دراميا علي الاساس الذي يحب ان ينهي به القصه الان فهمت كلمتك اللي قلتهالي لما قلتلك بس انتي ما نهتيهاش
هدى نسيت أمام المراه ممكن تبقى بداية للقصة ديه لو كانت قبل ما تشوف الجواب يعني حدسها قالها
او نهاية لو بعد ما قرأت الجواب و حسيت انها لازم تعيش
معليش علي التطويل
هو المرأه عموما عاطفيه بطبعها ولما بتحب بتحب بجنون وكتير اوى الست بتحب راجل جدااا وهو بيكون ميستاهلش الحب ده ومبتبقاش واخده بالها بيكون حب اعمى زى ما بيقولو الراجل ده بقا اصلا محترمش نفسه بالخيانه دى قبل اى حاجه
انهيتى القصة بصدمة
وباقتضاب شديد كعادتك
عامة اى واحدة لما بتحب هاتعمل كده
حتى لو هو مايستهلش,,
بالنسبة للرجل وانه كتبلها جواب وقلها انتى طالق.. يمكن محبهاش فعلا ويمكن بيعمل كده دناءة منه او تصحيح لوضع وفاق قبل ما يكمل غدر لانسانة ماتستحقش منه كده
بس هى اعتقد انه حتى بعد قرائتها لكلمة طالق هاتفضل تحبه وتوجد مبرر لفعله انه على الاقل خاف عليها انها تبقى مع حد مايستهلهاش
القصة حلوة يا هدى ومستنى اوى
ربنا مايحرمنى من ابداعاتك الجميلة
مع احترامى الشديد لكل اللى عملوا تعليق و بعد إذن صاحبة البلوج.
ممكن اقترح رأى ألا و هو ان مفيش واحد يعمل كومنت عشان يعارض بيه رأى واحد تانى.
الموضوع مفتوح للتعليق من وجهة النظر الشخصية و استحالة أراءنا كلها تبقى زى بعض.
عشان ميحصلش زى اللى حصل قبل كده و نسبب احراج لشخص معين خصوصا ان احنا زملاء و اخوات و كلنا عارفين بعض كويس.
الوحيد اللى ليه الحق فى الرد أو عدمه هو صاحب البلوج لأنه يعتبر مدير البلوج و من حقه يخلى أو يمسح أى كومنت.
مش عايز حد يعلق عليا و ياريت نرجع للقصة الجميلة بتاعة هدى :)))
شخصية كهذا الرجل وحسب وصفك لااعتقد انه سيقول هذه الكلمات وان كانت مقدمة لاعلامها بطلاقه اياها
عامة التسلسل غاية فى التشويق والبناء القصصى قوى حدا
وبصراحة ان اتخنقت نت الراجل الندل ده ولو طلته هاولع فيه
سلام
موضوع الفطار دا هزار مش اكتر
لانها اكيد مش جوهر القصه المهم الشاهد انها اهتمت بيه وصحيت بدري علشانه
أما بعدي عن الهزار ف اي بنت بطبيعتها بيكون جوها عاطفة ومشاعر وبطبيعتها بتهديها لشريك حايتها
وشريك حايتها دا ممكن يكون شخص من اتنين اما شخص يستحق يبادلها نفس مشاعرها وساعتها عطاها هيزيد او لو مكنش في زياده عن كدا هيكون بيحقق ليها ساعده
اما لو كان شخص ميستهلش زي اللي جي في القصه وللاسف دول موجودين كتير
الانثى فطرتها بتحتم عليها العطاء ولكن مع الوقت نبع عطائها دا بيجف نتيجة لجفاء الانسان اللي عايش معاها
وهنا هيبقي في سؤال ليه بتسمر في العطاء
هل لانها لا تملك شئ أخر ؟؟
هل لانها عايزة تتعايش ؟؟
ولا عشان مش مدركة انه انسان ميستهلش
ممكن يكون وصفي للبنت قاسي لما اقول عليها ساذجة
بس مش لاقي وصف تاني لانسان مصر يدي لاخر لحظة انسان ميستهلش
الطائر الحزين:
انت طرحت أسئله مهمه وسبتها من غير حل ..
وانا بشكرك على انك اتاحت لى فرصة قراة شعرك الرائع صرخات مكتومه ..
شكرا على متابعتك وتعليقك
تحياتى
ايمن:
انت متعصب جدا من الراجل وبصراحه عندك حق
انا شخصيا اتعصبت منه فعلا ما فيش أسواء من الخيانه والغدر خصوصا بشخص لا يستحق ذلك
عموما انا شايفه ان خير ليها انه طلقها لان الطيبون للطيبات والخبيثون للخبيثات
تحياتى
التنين:
وانا كمان اتصدمت :O
ربنا يكفينا شر الخيانه
...........
بالنسبه لتعليقك التانى:
وبوصفى مدير عام البلوج:) اقدر اعلن ان البلوج مفتوح للجميع من غير اى قيود بشرط واحد فقط وهو اللاحترام
ان كل واحد يعبر عن وجهة نظره ويعارض كمان لو عايز سواء انا او معلق اخر بشرط انه يحترم راى الاخر ومايكونش كلامه جارح
واكتر حاجه بتسعدنى بجد النقاش اللى بنتناقشوا فى البوست والاختلاف دايما بيثرى الحوار ولا يفسد للود قضيه
انا بشكرك جدا على متابعتك وتعليقاتك
سلومه :
وجهة نظر بردو..
فعلا احيانا مراية الحب بتبقى عاميه
..
وفعلا ..لعله خير:)
انكسارات:
اشكرك على تحليلك الادبى للبوست تحليل عميق قيم يستحق الاحترام ...
موضوع ((حقيبة السفر)) كان فعلا من الاسماء المقترحه بس انا حسيت ان ((خطاب))اكترهم اقناعا بالنسبه لى على الاقل
بس بردو اشكرك لاهتمامك
وما تتأسفش على الاطاله دى مدونتك
تحياتى
حزين:
يااااااااااااااااااااه
فينك يا شاعر ، وانا وحشتنى تعليقاتك ووجودك فى عالم التدوين
ما تنقطعش عننا تانى كده وما تحرمناش من اشعارك وتعليقاتك...
تقبل تحياتى
محمد:
التعليق الاول بصراحه اتاخدت منه مش لحاجه غير لانى ماتعودتش منك على الاسلوب ده فى التعليق يعنى متعوده انك ليك نظره تحليليه ..
التعليق التانى بقى عرفت طبعا ان انت اللى كاتبه علطول:)
..
تحليلك للقصه مقنع وتساؤلاتك فى محلها
بس بردو انا مش فاهمه انت ليه قاسى اوى فى حكمة على الست مع انها تعتبر ضحيه وانا رأى ان العطاء عمره ماكان سذاجه ولا الحب خطيئه
شكرا لتعليقاتك
اللهو:
تعليقاتك عميقه بجد بشكرك عليها جدا..
عجبنى جدا ربطك بين المشهد فى البسوت اللى فات وبين البوست ده مع انه بصراحه كان غير مقصود على الاطلاق ...
عجبنى كمان خيالك الخصب فى تخيل حقيقة الامر وانك فعلا الوحيد اللى استغليت النهاية المقتضبه المفتوحه فى انك تنسج خيوط جديده للقصه ...
تعليقاتك اسعدتنى للغايه
واثرت البوست لغايه
اشكرك
مجهول:
المتعصب للبنات:)
اشكرك على تعليقك ومرورك وكنت اتمنى نتشرف بمعرفتك ..
تقبل تحياتى
دينا:
كالعاده فهمااانى جدا
انا موافقاكى فى كل كلمه وانا شايفه ان اللى هى عملته ده تصرف طبيعى لاى ست بتحب وتحترم جوزها يعنى هى مش مزوداها وبالفعل شخصيه بهذا القدر من العطاء ممكن تغفر..
بس انا استبعد ده لانه جرحها وقتلها كمان لما ما ادلهاش الفرصه تختار الوضع اللى يريحها ..
ربنا يخليكى ليه يا دندون
ابو سويلم :
اشكرك جدا على اطرأك..
وده طبيعى انك تتخنق منه لان اى انسان مخلص عنده دين يكره الخيانه والنداله ..
تحياتى
سوري يا هدى علي التعليق الأول :S
القسوة بتكون رحيمة أحياناً
ممكن اكون قاسي في حكمي بس القسوة احسن من انها تكون ضحية ومن أنها تتجرح وتتهان بالشكل دا
الحب مش خطيئه وبس بيكون سذاجة لما ادي لشخص ميستهلش وانا عارف انه ميستهلش علي مقدار الحب والعطاء هيكون الجرح والصدمة
انا مش قاسي علي الست بس يمكن علقت عليها اكتر لان الراجل اللي اكلمتي عنه واللي بالصورة دي ميستحقش حتى التعليق
ومهما كان حكمي او راي دا مش هيغير من كون انها ضحية
وكمان ان البوست وكتاباتك بشكل عام موحية بتخلي الواحد يستحضر الصورة ويحسها بشكل عالي جداً
:)
Post a Comment